2013 ж. 22 қараша сағ 14.00-де Көрмелер залында «1 желтоқсан - Қазақстан Республикасының Тұңғыш Президенті күні» атты кітап көрмесінің ашылуы өтті.
Көрменің мақсаты – Қазақстан Республикасының Тұңғыш Президенті Нұрсұлтан Назарбаевтың өмірі мен саяси қызметі жайындағы ҚР Ұлттық кітапханасының қорындағы отандық және шетелдік басылымдарды кеңінен көрсету. Көрме – Тәуелсіз Қазақстанның қалыптасуы жылдарының ерекше шежіресі. Жеті бөлімді көрмеге қазақ, орыс және шет тілдеріндегі 3000-нан астам басылым қойылған. Онда Қазақстан Республикасының Тұңғыш Президентінің өмір жолы: жастық шағы, еңбекке араласқан жылдары, саяси және қоғамдық қызметі қамтылған. Сонымен қатар Елбасы туралы әлем саясаткерлерінің ой-пікірлері, ақын-жазушылар шығармаларының топтамалары бар. Көрмеде республикалық «Социалистік Қазақстан», «Лениншіл жас», «Казахстанская правда», «Ленинская смена» және облыстық «Индустриальная Караганда», «Орталық Қазақстан», «Темиртауский рабочий», «Со¬циалистическая Караганда», «Металлург», «Советтік Қарағанды» газеттерінде жарияланған Н.Назарбаевтың 1958-1969 жылдардағы алғашқы еңбек жолын қамтитын 30-ға жуық мақалалары ұсынылған.
Көрмеге Алматы қаласы Бостандық аудандық «Нұр-Отан» партиясы филиалының мүшелері, ғылыми-шығармашылық зиялы қауым өкілдері, тарихшылар, саясаттанушылар және т.б. қатысып, көрмемен танысты.
Кітап көрмесі жыл соңына дейін ұсынылады.
Көрмеге шақырамыз!
|