Құрметті оқырмандар! Сіздерді Көрмелер залында Қазақстан Республикасының Тұңғыш Президенті күніне орай ұйымдастырылған «1 желтоқсан - Қазақстан Республикасының Тұңғыш Президенті күні» атты кітап көрмесіне  шақырамыз. 
 Көрменің мақсаты – Қазақстан Республикасының Тұңғыш Президенті Нұрсұлтан Назарбаевтың өмірі мен саяси қызметі жайындағы ҚР Ұлттық кітапханасының қорындағы отандық және шетелдік басылымдарды кеңінен көрсету.
    Көрме – Тәуелсіз Қазақстанның қалыптасуы жылдарының ерекше шежіресі. Жеті  бөлімді көрмеге қазақ, орыс және шет тілдеріндегі 3000-нан астам басылым қойылған. Онда  Қазақстан Республикасының Тұңғыш Президентінің өмір жолы: жастық шағы, еңбекке араласқан жылдары, саяси және қоғамдық қызметі қамтылған. Сонымен қатар Елбасы туралы әлем саясаткерлерінің ой-пікірлері, ақын-жазушылар шығармаларының топтамалары бар.
    
    Кітап көрмесі жыл соңына дейін ұсынылады.