2014 жылы 22 қаңтар, сағат 15.00-де Әлем әдебиеті залында Қазақстан Республикасындағы Ресей Федерациясының Бас консулдығы және Ресей ынтымақтастығы өкілдігінің ҚР Ұлттық кітапханасындағы Ресей кітап бұрышына кітаптар табыстау рәсімі өтті.

   Жыл сайын Ресейлік студенттер күні қарсаңында Қазақстан Республикасындағы Ресей Федерациясының Бас консулдығы ҚР Ұлттық кітапханасына жаңа  құнды кітаптар топтамасын табыстау рәсімін өткізеді. Ұлттық кітапханаға «Орыс тілі» Федералдық арнайы бағдарламасы бойынша «Библиотека путешествий», «Перекрестки истории» сериясымен жарыққа шыққан кітаптар, сонымен қатар «Большая книга» атақты премиясының иегерлері: М.Кантор, В.Левенталь, Д.Даниловтың және тағы басқалардың кітаптары сыйға берілді.

   Іс шарада Қазақстан Республикасындағы Ресей Федерациясы Бас консулдығының атынан консул-ақылшысы Клюкина-Витюк М.Ю., консул Переверзева И.В., ҚР Ұлттық кітапхана атынан Бас директорының орынбасары Юсупова А.Х. сөз сөйлеп, кітапхананың тұрақты оқырмандары, жоғарғы оқу орындарының мұғалімдері және іс-шараның қонақтары кітаптар туралы өз пікірлерін білдіріп, тілектерін жеткізді.