2014 жылы 23 қаңтар, сағ.11.00.-де Қазақстан Республикасы Ұлттық кітапханасының ұжымы арасында Қазақстан Республикасының Президенті Н.Ә. Назарбаевтың «Қазақстан жолы – 2050: Бір мақсат, бір мүдде, бір болашақ» атты Қазақстан халқына Жолдауының талқылауы болып өтті.

   ҚР Ұлттық кітапханасының қызметкерлері «Қазақстан жолы – 2050» бағдарламалық құжатының негізгі басым бағыттары: инновациялық индустрияландыру, шағын және орта бизнесті дамыту, Қазақстан ғылымының әлеуетін арттыру, білім беру мен денсаулық сақтау, әлеуметтік  және т.б. мәселелер бойынша ой бөлісті.

   Кітапхана қызметкерлері Мемлекет басшысының «Мәңгілік ел» ұлттық идеясы және жалпықазақстандық мәдениетті дамыту, қазақстандықтардың бәсекеге қабілетті мәдени ментальдігін қалыптастыруға, заманауи мәдениет кластерлерін дамытуға бағытталған шараларды белгілеу мен мәдени саясаттың ұзақмерзімді Тұжырымдамасын әзірлеу туралы тапсырмасына ерекше қызығушылық танытты.