2014 жылы 5 ақпан, сағ. 11.00-де Көрмелер залында ғалым, ақын, публицист және ағартушы Ахмет Байтұрсынұлының «Ахмет Байтұрсынұлы шығармалары – мәңгілік мұра» атты дөңгелек үстел аясында ғалымның алты томдық шығармалар жинағының тұсаукесері өтті.

 Іс-шараның мақсаты – А.Байтұрсынұлының әдеби-ғылыми мұрасының зерттелуі жөнінде сараптамалық талдау жасау және ғалым шығармаларының бүгінгі салауатты ұрпақ арасында оқылуын насихаттау.

 Модераторы: Ахмет Байтұрсынов мұражайының директоры, филология ғылымының кандидаты, доцент Райхан Имаханбет.

  Кеште сөз сөйлегендер: А.Ісімақова, С.Исаев, Б.Нәсенов, Ғ.Әнес, М.Нәлібаев, С.Арпабекұлы, Р.Төлемісова, Р.Хариқызы, Г.Дәулетова, Г.Амантайқызы және т.б. «Ғалым» қазақ ұлттық гимназиясының оқушылары ақынның  өлеңдерін оқыды.

   Іс-шараның аясында Ұлттық кітапхана қорынан Ахмет Байтұрсыновтың өмірі мен шығармашылығына арналған «Ұлтым деп өткен ұлы тұлға» атты безендірілген кітап көрмесі ұйымдастырылды.

   Іс-шара барысында ғалым мұрасын насихаттап жүрген ахметтанушылар мен «Ұлт болмысы» журналына қолдау көрсетіп жүрген тұлғалар марапатталды және жаңа басылым ҚР Ұлттық кітапханасына, қонақтарға сыйға тартылды.

   Жиынға мемлекет және қоғам қайраткерлері, тіл-әдебиет, тарих, мәдениет зерттеуші-ғалымдар, ақын-жазушылар, баспагерлер, оқырмандар, студенттер, БАҚ өкілдері қатысты.