2014 жылы 14 ақпан, сағ. 16.00-да Көрмелер залында «Қазақтың  дәстүрлі (ән-күй-жыр) музыкасының  аймақтық стильдері» атты лекция-концерт өткізілді. 

    Кеш Өнер бөлімі жанындағы «Інжу-маржан» клубы аясында ұйымдастырылды.

      Іс-шараның мақсаты – Маңғыстау, Орал-Атырау, Арал-Ақтөбе, Сыр бойы, Қаратау, Жетісу, Арқа, Алтай-Тарбағатай өңірлерінде дамыған қазақтың музыкалық және  музыкалық-поэзиялық өнерінің бай мұрасын таныстыру.

   Концертке белгілі дәстүрлі ән орындаушылары, ҚР еңбек сіңірген әртістері, ҚР мәдениет қайраткерлері, халықаралық және республикалық байқаулардың лауреаттары, Т.Жүргенов атындағы Қазақ Ұлттық өнер академиясының, Құрманғазы атындағы Қазақ Ұлттық консерваториясының ұстаздары: Абдулхамит Райымбергенов, Рамазан Стамғазиев, Талғат Мұқұшев, Нұржан Жанпеисов, Ұлжан Байбосынова, Еркін Шүкіманов, Айгүл Қосанова, Ардақ Исатаева, Мұрат Әбуғазы, Тлеулес Құрманғалиев, Ерболат Шалдыбеков, Шолпан Даржанова, Нұрғиса Дауешев т.б. қатысты.

   Кешті өнертану ғылымының докторы, Т.Жүргенов атындағы Қазақ ұлттық өнер академиясының «Дәстүрлі музыкалық өнер» кафедрасының профессоры Гүлзада Омарова жүргізді.