2014 жылы 26 ақпан, сағ.11.00-де Көрмелер залында Қазақстанның Бас мүфтиі Ержан қажы Малғажыұлының бастамасымен жарық көрген «Дін мен дәстүр» кітабының тұсаукесер рәсімі өтті.

   «Дін мен дәстүр» кітабында ар-ұят, діни рәсімдерге құрмет, әдептілік, сыпайылық, қарапайымдылық, еңбек ету, ата-ананы құрметтеу, көрші ақысы, туыстық байланыс, бауырмалдық, тілеуқорлық, үлкенге құрмет, кішіге ізет, т.б. ұлттық құндылықтарымыздың дінмен сабақтастығы кеңінен түсіндіріл-ген. Мақал-мәтелдер мен нақыл сөздердің хадистермен ұқсастығы, дін мен дәстүрдің тығыз байланысы туралы көптеген мәліметтер мен дәлелдер келтірілген.
   Кітап жастарды, жалпы оқырмандарды дін мен дәстүрді құрметтеуге үндейді.

   Тұсаукесер модераторы наиб-мүфти Серікбай қажы Ораз.

   Іс шараға қатысқандар: Қазақстанның Бас мүфтиі Ержан қажы Малғажыұлы, жазушылар С.Елубай, Ж.Кенжалин, С.Ибадуллин, Т.Жұмабек, Г.Тәшімбай және т.б. Қонақтар дін мен дәстүр жайлы өз ойларымен бөлісті. «Нұр Мүбәрак» университетінің студенті Данияр терме орындады.

   Шара аясында ҚР Ұлттық кітапханасының қорынан «Дін және дәстүр» атты кітап көрмесі ұйымдастырылды.

   Қазақстан Республикасының Ұлттық кітапханасына және Алматы қаласының кітапханаларына  жаңа басылым сыйға тартылды.

   Тұсаукесерге Алматы қаласы мешіттерінің бас имамдары мен дінтанушы-ғалымдар, жазушылар, қоғам қайраткерлері, журналистер, жоғары оқу орындарының студенттері, Алматы қаласының кітапханашылары қатысты.