2014 жылғы 1 мамырда Алматы қаласының Абай алаңында Қазақстан халқы бірлігі күні мерекесіне орай өткізілген іс-шаралар шеңберінде ҚР Ұлттық кітапханасы «Қазақстан - бірлік пен татулықтың мекені» атты көшпелі кітап көрмесін ұйымдастырды.

   Қазақстан бүгінде көптеген елдер үшін келісім мен бірліктің үлгісі болып табылады. Республикамыз елдегі шағын халықтардың рухани және тарихи ерекшеліктерін сақтайды. Түрлі ұлт өкілдері бейбітшілік пен келісімде тұрып жатқан елімізде Қазақстан халқы бірлігі күні маңызды мерекелердің біріне айналды. Этникааралық төзімділікті  және қоғамдық келісімді сақтау тәуелсіз Қазақстанның ең басты және талассыз  жетістіктерінің бірі болды. Ұлттық бірлікті нығайту біздің еліміз бен халқымыздың жарқын болашағының кепілі болып қала береді.
   Ү.ж. 1 мамырда Алматы қаласының Абай алаңында  әртүрлі мерекелік іс-шаралар: театрландырыған  көріністер, эстрадалық орындаушылардың концерттік бағдарламалары, көркемөнер жұмыстарының  көрмелері, спорттық жарыстар өткізілді. Мерекеге этномәдени орталықтар ғана емес, сонымен қатар зейнеткерлер, студенттер, қала тұрғындары, оңтүстік астана қонақтары да қатысты. Мерекенің ең жарқын сәті¬  келушілерді Қазақстан аумағында тұратын халықтардың ұлттық қолөнерімен, асханасымен және  дәстүрімен таныстырған этномәдени көрме болды.
   Көшпелі кітап көрмесінде ҚР Ұлттық кітапханасындағы Алматы қаласының Қазақстан халқы Ассамблеясының Депозитарийі қорынан Қазақстан халқының тарихы мен қазіргі  өмірін, мәдениетінің дамуын, дәстүрі мен  өнерін бейнелейтін әдебиеттер ұсынылған. Мерекеге Алматы қаласының әкімі А.С.Есімов қатысып, кітап көрмесімен танысты.