2014 жылы 15 мамыр, сағ. 15.00-де Көрмелер залында түрік профессоры, доктор Мехмет Нарлының қатысуымен «Қазіргі түрік әдебиеті (1923-2014 жж.)» атты дөңгелек үстел өтті.
Іс-шара Юнус Эмре атындағы Түрік мәдени орталығының бастамасымен ҚР Ұлттық кітапханасындағы Түрік кітап бұрышының қызметі аясында өтті. Дөңгелек үстелде қазіргі түрік әдебиетінің (романдар, өлеңдер, драма, поэзия) даму барысы талқыланды. Іс-шара аясында жоғары оқу орындарының филология факультетінің студенттері арасында поэзиялық байқау өтті. Байқау жеңімпаздарына кітап сыйға тартылды. Дөңгелек үстелге жоғары оқу орындарының оқытушылары, жастар қауымы, Алматы қаласының кітапханашылары қатысты.
|