2014 жылғы 27 мамырда халықаралық мәдени және ғылыми өзара әрекеттестігі аясында Қазақстан Республикасының Ұлттық кітапханасына Татарстан Ұлттық Ғылым академиясының Г.Ибрагимов атындағы Тіл, әдебиет және өнер институтының өкілдері сапармен келді.
Кітапхана қонақтарын - халық фольклоры бөлімінің ғылыми қызметкері, филология ғылымдарының докторы Закирова Илсеяр Гамиловна мен текстология бөлімінің меңгерушісі, филология ғылымдарының кандидаты Мухаметшин Зуфар Гумаровичті ҚР Білім және ғылым министрлігі М.О.Әуезов атындағы Әдебиет және өнер институтының Талдау және сыртқы әдебиет байланыстары бөлімінің меңгерушісі Ананьева Светлана Викторовна таныстырды. Сапар мақсаты – Қазақстанның бай кітаби, құжаттық және рухани мұрасымен, ҚР Ұлттық кітапханасының қорлары мен ресурстарымен танысу. Татарстаннан келген қонақтарды Алматы қ. Қазақстан халқы Ассамблеясының Депозитарийінің қызметі және кітапхананың сирек кітаптар мен қолжазбалар бөлімінің бірегей қоры ерекше қызықтырды.
Кездесу барысында татар ғалымдарына қазақстандық зерттеушілердің ғылыми еңбектері мен ҚР Ұлттық кітапханасының сирек қорынан каталогтар сыйға тартылды.
|