Әлем әдебиеті бөлімінің оқу залында С.А.Новгородов атындағы Саха Республикасының (Якутия) «Бичик» Ұлттық кітап баспасының сыйға тартқан жаңа кітаптардың көрмесі ұйымдастырылды.
«Бичик» Ұлттық кітап баспасы Ресей Федерациясының аймақтық жетекші кәсіпорыны болып табылатын Саха Республикасының жалғыз мемлекеттік баспасы. «Бичик» баспасы 1926 жылы құрылған. Баспа әртүрлі әмбебап әдебиетті – балалар, көркем, оқу-әдістемелік, анықтамалық, электрондық және мульмедиялық басылымдарды, Ресейдің солтүстік-шығыс халықтарының тілдерінде, соның ішінде Солтүстіктің шағын халықтарының ана тілдерінде әдебиеттерді шығарады. Жылына «Бичик» баспасының 400-ге жуық атау басылым жарық көреді. Саха Республикасының «Бичик» Ұлттық кітап баспасының Бас редакторы Луковцев Валерий Николаевич Қазақстан Республикасы Ұлттық кітапханасының қорына жаңа әдебиеттерді өзі сыйға тартты. Жаңа әдебиеттер: «Иллюстрированный атлас Республики Саха», «Дар предков», «Священная лошадь Саха», «Узоры и орнаменты Саха», «Сандалы народов Якутии», «Национальное и общечеловеческое в якутской литературе» және т.б. қамтиды.
Саха Республикасының жаңа әдебиетімен танысуға барша оқырмандарды шақырамыз!
|