2014 жылғы 21 шілде, сағ. 16.00-де Көрмелер залында кітапхана ұжымы Қазақстан Республикасы Парламент Мәжілісінің депутаты, Халықаралық қатынастар, қорғаныс және қауіпсіздік комитетінің мүшесі, Бас әскери прокуратура жанындағы заңдылықты қамтамасыз ету жөніндегі қоғамдық кеңестің төрағасы, генерал-лейтенант, тарих ғылымдарының докторы, профессор Абай Бөлекбайұлы Тасболатовпен кездесті.
 
  ҚР Ұлттық кітапханасы бас директорының бірінші орынбасары Б.Қ.Оспанова кітапхананың қызметі туралы қысқаша таныстырып өтті. Мәжіліс депутаты А.Б.Тасболатов көптеген өзекті сұрақтарды көтерді. Соның ішінде патриотизм мен жауапкершілік туралы, Парламенттің қызметі мен Халықаралық қатынастар, қорғаныс және қауіпсіздік комитетінің жұмысы жайлы сөз қозғады. Кездесуде кітапхананың өзекті мәселелері де талқыланды. Кітапхана кәсіподақ ұйымының төрайымы Г.Д.Үсенова кітапхана қызметкерлерінің әлеуметтік мәселелерін көтеріп, соның ішінде тұрғын үй мәселесін шешуде ықпал етуін сұрады. Ғылыми-әдістемелік  қызметінің жетекшісі К.К.Қоштаева Мәдениет саясаты тұжырымдамасының жобасына тоқталып, кітапханалардың, соның ішінде ауыл кітапханаларының жағдайын назарға алуын  ұсынды.
   Кездесу соңында А.Б.Тасболатов кітапхана ұжымына еңбектері үшін алғысын білдіріп, табыстар тіледі.