2014 жылғы 17-18 қыркүйек күндері бас директордың бірінші орынбасары Б.К.Оспанова мен Ғылыми-әдістемелік қызметінің жетекшісі К.К.Қоштаева ҚР Ұлттық кітапханасы мен Ә.Тәжібаев атындағы Қызылорда облыстық әмбебап ғылыми кітапханасының ұйымдастыруымен «Кітапхана қоры: мәселелер мен шешу жолдары» атты халықаралық ғылыми-тәжірибелік конференцияға қатысты.

   Конференция қатысушыларына Қызылорда облысы әкімінің орынбасары  А.Ш.Әлназарова, ҚР Ұлттық кітапханасы бас директорының бірінші орынбасары Б.Қ.Оспанова құттықтау сөз сөйледі.

   Конференцияда кітапхана қорларын толықтыру, электронды топтамалар жасау, ақпараттық-кітапханалық қызметті және т.б. дамыту бойынша тәжірибе алмасу мәселелері талқыланды. Конференция аясында: пленарлық мәжіліс, пікірталастар, мастер-кластар, кітапханалық жабдықтардың (ТОО «Recom»), сондай-ақ «Қазақстанның ашық кітапханасы» (WikiBilim) жобасының тұсаукесерлері өткізілді.

   Қатысушылар назарына «Сыр өңірі – түркі дүниесінің алтын бесігі» атты көрме, сондай-ақ «Фолиант» және «Ата-Мұра» баспаларының жаңа басылымдары ұсынылды.

Конференцияны Қызылорда облысы Мәдениет басқармасының басшысы Е.А.Абдрахманов жүргізді.

Конференция жұмысына республиканың облыстық әмбебап ғылыми кітапханалары, аудандық және ауылдық кітапханалары, сондай-ақ бізді ежелден әріптестік қарым-қатынастар байланыстыратын Ресей ұлттық және мемлекеттік кітапханаларының өкілдері қатысты.