2014 жылғы 3 қазанда Ұлттық кітапханаға Қазақстан Республикасындағы Пәкістан Елшілігінің Әскери Атташесі, бригадалық генералы Шахид Джавад Хан жұмыс сапарымен келді.
Қадірлі қонақ Қазақстан Республикасының Ұлттық кітапхана директоры Асқар Әлібек Асылбайұлымен кездесті. Кездесу барысында ынтымақтастықтың мәдени-гуманитарлық саласы, Пәкістан кітап бұрышы қызметінің даму мәселелері талқыланды. Екі мемлекеттің халықаралық байланыстарын нығайтуға және дамытуға бағытталған бірлескен іс-шараларды ұйымдастыру ұсыныстары қарастырылды. Шахид Джавад Хан ҚР Ұлттық кітапханасының қызметіндегі инновациялық тәсілдерді, оқырмандарға қызмет көрсетуді, кітап топтамаларының бай қорын және кітапхана ұжымының қызметін ерекше атап өтті.
|