2014 жылғы 31 қазанда Қазақстан Республикасының Ұлттық кітапханасына Пәкістан Ислам Республикасының Елшісі Шаукат Әли Мукадам және Елшіліктің коммерциялық директоры Әділ Хан Мианкель жұмыс сапарымен келді.

   Сапар барысында Қазақстан Республикасы Ұлттық кітапханасының Бас директоры Асқар Әлібек Асылбайұлымен кездесу өтті. Кездесу аясында Пәкістан кітап бұрышының қызметін күшейту және дамыту жөнінде мәдени-гуманитарлық саладағы ынтымақтас-тықтың алдағы жоспары бойынша келіссөздер жүргізілді. Бірлескен көпшілік іс-шараларды өткізу, екі елдің кітапхана мамандарының тәжірибе алмасу және тағылымдамадан өтулерін ұйымдастыру бойынша мәселелер қаралды. Пәкістан Елшілігінің атынан Пәкістан Кітап бұрышының табысты жұмысы үшін жаңа компьютер мен принтер сыйға тартылды.

   Қонақтарға Ұлттық кітапхана бойынша шолу экскурсия жүргізілді. Шаукат Әли Мукадам мырза кітапхананың қызметімен танысып, халықаралық мәдени байланыстарды кеңейту және дамыту жөнінде атқарылған жұмыстарды жоғары бағалады.