2015 жылғы 19 наурызда сағ. 10.00-де Көрмелер залында Қанат Тасыбековтың «Ситуативный казахский. Мир казахов» атты кітабының электронды нұсқасының таныстырылымы өтті.
Аталған еңбек алғаш рет 2012 жылы 1000 данамен шыққан еді. Қазіргі кезде 15 000-нан астам данасы сатылған. Басылым қазақстандықтардың өзіндік танымын арттыруға әсер еткен 100 үздік кітаптың қатарына енген. Авторы қазақ тілін оқып-үйретуді дамытуға қосқан үлесі үшін «Тіл жанашыры» құрмет белгісімен марапатталған. Кітап оқырмандармен қатар мәдениет, білім, ғылым саласындағы қайраткерлердің жоғары бағасына ие болды. Енді кітап қазақ тілін үйренемін дегендер үшін интернетте тегін қолжетімді болмақ. Баспасөз мәслихаты барысында Сіздер бұл қалай мүмкін болғанын біле аласыздар. Ол неге қазірге дейін өзекті. Кітап туралы: «Ол кітапты орыс тілді адамдар үшін жазды. Бірақ автор көздеген мақсаттарынан да асып түсті. Ол кітабының атауын сәл ғылыми: «Ситуативный казахский» деп атады – мұндай атаумен ол оның аясын шектеп, лингвистикалық-методологиялық шеңбердің ішінде қалдырған. Мен бұл еңбекті: «Қазақ әлемі» деп атайтын едім. Мұнда қазақ тілі, қазақтың ойлау дәрежесі, дүниетанымы, рухани танымы орыс тілінде беріле отырып, кең ашылған». Герольд Бельгер
|