2015 жылғы 9 сәуір, сағ. 11.00-де Ұлттық кітапханасының фойесінде  «Елбасы» атты кітап көрмесінің ашылуы өтті.

   Көрменің мақсаты – Қазақстан Республикасының Тұңғыш Президенті Н.Назарбаевтың өмірі мен саяси қызметі, Тәуелсіз Қазақстанның қалыптасуы мен дамуындағы тарихи рөлі, Қазақстан қоғамын жаңарту мен қайта құрудағы зор еңбегі туралы ҚР Ұлттық кітапханасы қорындағы отандық және шетелдік басылымдармен кеңінен таныстыру.

   Алты бөлімді («Елбасының өмірі мен қызметі», «Елбасының еңбектері», «Елбасы еңбектері шетел тілдерінде», «Елбасының қызметтері», «Елі сүйген, Елін сүйген Елбасы», «Көшбасшылық жолы») көрмеде қазақ, орыс және шет тілдеріндегі 3000-нан астам басылым ұсынылған. Онда  Тұңғыш Президенттің өмір жолы, жастық шағы, еңбекке араласқан жылдары, саяси және қоғамдық қызметі қамтылған.

  Іс-шараны Ұлттық кітапхананың бас директоры, ҚР Мемлекеттік сыйлығының иегері, Қазақстанның еңбек сіңірген қайраткері, жазушы  Әлібек Асқар ашты.
   Сөз сөйлегендер: К.Матыжанов, Ж.Ерман, С.Елубай, С.Ғаббасов және т.б.

  Қатысушылар: жазушылар, ғалымдар, қоғам қайраткерлері,  кітапхана оқырмандары, жоғары оқу орындарының студенттері, БАҚ өкілдері.