2015 жылғы 29 сәуірде сағ. 11-00-де Әлем әдебиетінің оқу залында ҚР Ұлттық кітапханасындағы Түркия кітап бұрышына Түркия Республикасынан кітаптарды сыйға тарту рәсімі өтті. Іс-шара Түркия Республикасы Үкіметі жанындағы Ынтымақтастық және үйлестіру жөніндегі Түркия агенттігімен (TIКA) бірлесіп ұйымдастырылды.
Кітап бұрышы 2006 жылы Түркия Республикасының Қазақстан Республикасындағы Елшілігінің қолдауымен ҚР Ұлттық кітапханасы арасындағы келісім негізінде ашылған. Іс-шара Қазақстан және Түркия ұлттық кітапханалары арасындағы кітап алмасу ынтымақтастығын қолдау мақсатында өткізілді. Түркия кітап бұрышы жалпы саны 1600 дана жаңа кітаптар топтамасымен толықтырылды. Бұл, негізінен, балалар әдебиеті, Түркия мемлекетіның тарихы, саясаты туралы, түрік және орыс тілдеріндегі сөздіктер, көркем әдебиеттер.
Іс-шараны ҚР Ұлттық кітапханасы Бас директорының бірінші орынбасары Б.К. Оспанова ашып, Түркия Республикасы Үкіметі жанындағы Ынтымақтастық және үйлестіру жөніндегі Түркия агенттігінің (TIКA) басшысы Мехмет Бодур мырза, аталған мекеменің үйлестірушісі Есентай Гулсараұлы мырза және өкілі Л.Мусаева, қазақстандық жазушы-журналист Ғ.Тәшімбай сөз сөйледі. Іс-шара аясында Б.К.Оспанова М.Бодур мен Е.Гулсараұлы мырзаларға алғыс хаттар мен сыйлықтар тапсырды.
Шараға БАҚ өкілдері, Алматыдағы жоғары оқу орындарының студенттері, кітапхана оқырмандары мен қызметкерлері қатысты.
|