Мерзімді басылымдар қызметінің оқу залында «Қазақстан мектебі» журналының 90 жылдығына арналған көрме ұйымдастырылды.
Ғылыми - педагогикалық «Қазақстан мектебі» журналы: «Жаңа мектеп» (1925-1933), «Ауыл мұғалімі» (1933-1938), «Халық мұғалімі» (1939-1941, 1946-1959) атауларымен жарық көрді,1960 жылдан бастап «Қазақстан мектебі» атауымен шығады. Әр жылдары журналда белгілі қоғам қайраткерлері, жазушылар: А.Байтұрсынов,Т.Шонанов, Б.Сүлеев, С.Сейфуллин, Е.Омаров, С.Сәдуақасов, М.Дулатов, Б.Майлин, Ж.Аймауытов, М.Әуезов, Ә.Бөкейхан қызмет атқарды. Журнал ғалымдарға, мұғалімдерге, бала бақша тәрбиешілеріне және студенттерге арналған. Негізгі айдарлары: «Журнал тарихынан», «Білім жүйесі: ұйымдастыру және басқару», «Педагогика ғылымы: зерттеулер, ізденістер», «Оқыту әдістемесі: тәжірибе» және т.б Журнал «Құрмет белгісі» орденімен, (1975), Қазақ КСР Жоғарғы Кеңесінің Құрмет грамотасымен (1985) марапатталған. Көрмеде журналдың әр жылдардағы басылымдары қойылған.
Көрмеге шақырамыз!
|