2015 жылғы 23 қыркүйекте  Көрмелер залында «Парасат» жастар клубы жұмысының аясында Еңбек күніне арналған «Еңбек адамы – мемлекеттің асыл құндылығы» атты поэзия кеші өтті.

   «Қазақстан Республикасындағы мерекелер туралы» Заңына және ел Президентінің 2013 жылғы 22 қарашадағы № 698 Жарлығына сәйкес  «Еңбек күні» жыл сайын қыркүйектің  соңғы жексенбісінде аталып өтіледі.
    Мерекенің мақсаты – Мемлекет Басшысының Жалпыға Ортақ Еңбек қоғамын құру идеясы аясында қазақстандықтардың еңбек өнімділігін ынталандыру, жастар арасында  жұмысшы кәсіптерді насихаттау және жұмысшы әулеттердің көп жылғы дәстүрін нығайту. 
    Іс-шараға қазақстандық жас ақындар, Т.Қ.Жүргенов атындағы Қазақ ұлттық өнер академиясының студенттері мен Ұлттық кітапхананың жас мамандары қатысты. Шақырылған қонақтар мен  кешке қатысушылар еңбек тақырыбына арналған және  түрлі кәсіптерді көпшілікке насихаттайтын өлеңдер оқыды, сондай-ақ, жас таланттардың орындауында музыкалық нөмірлер ұсынылды.
 
     Осы мерекеге орай, Ұлттық кітапханада, сондай-ақ түрлі кәсіп өкілдерімен және ардагерлермен (дәрігерлер, музыканттар, шаштараздар және т.б) кездесу өтті, сондай-ақ, ҚР Ұлттық кітапханасы қорынан Қазақстан Республикасындағы Еңбек күніне арналған фотокөрме және безендірілген кітап көрмесі ұйымдастырылды.