2015 жылы 12-16 қазанда Қазақстан Республикасы Ұлттық кітапханасында Жазба құжаттарды консервациялау және қалпына келтіру мектебінде Ресей Мемлекеттік кітапханасының  маманы И.Г.Локоткова шығыс қолжазбаларын қалпына келтіру бойынша халықаралық  тәжірибелік семинар өткізді.
   Семинардың  мақсаты - шығыс қолжазбалары мен сирек кітаптарды қалпына келтіру және түптеу бойынша тәжірибе алу, реставратор  мамандардың кәсіби біліктілігін көтеру. Семинар республикалық мәдени мекемелері қызметтерінің тәжірибесіне енгізу үшін жаңа технологияларды меңгеруге бағытталды. Семинарға Тәжікстанның және Қазақстанның облыстық кітапханаларының, мұражайлары және мұрағаттарының мамандары қатысты. 

   Семинарға қатысушыларға сертификат тапсырылды.