2015 жылғы 23 қазан, сағ. 14.30-да Үлкен залда «Біз де бала болғанбыз» атты мерейтойдың аясында «Ақ желкен», «Ұлан» қос басылымның жас тілшілері – Мейіржан Жылқыбай, Елдос Тоқтарбай, Думан Смақов және Алпамыс Файзолланың «Ақ желкеннің ұландары» кітабының тұсаукесері өтті.
Биыл балалар мен жасөспірімдерге арналған «Ақ желкен» журналының жарыққа шыққанына 90 жыл, «Ұлан» газетінің қазақ балаларын тәрбиелеп келе жатқанына 85 жыл толды. «Ұлан» 1930 жылы 14 наурыз күні «Лениншіл жастың» 5-6 беттерінде «Пионер» деген атпен жарық көрді. Ал «Ақ желкен» журналының алғашқы саны 1922 жылдың 22 наурызында жарық көрді. Еліміз егемендігін алған сәтке дейін «Пионер» деген атпен басылды. Қос басылымды әр жылдары Саттар Ерубаев, Сақтаған Бәйішев, Әбілфайыз Ыдырысов, Сейдахмет Бердіқұлов, Фариза Оңғарсынова, Уәлихан Қалижанов, Сұлтан Қалиұлы сынды азаматтар басқарды.
Қатысушылар: зиялы қауым өкілдері, мектеп басшылары, республиканың түкпір-түкпірінен төл басылымдарына жазылып, жанашыр болып жүрген мектеп оқушылары мен студенттер.
|