2015 жылғы 19 қарашада Көрмелер залында Қазақ Ұлттық аграрлық университетінің 85 жылдығына орай «Ауыл тірегі – ауыл шаруашылық мамандары» атты дөңгелек үстел өтті.
2030 жылға дейін Қазақстанның даму стратегиясы басты міндеттердің бірі ретінде білім берудің ұлттық үрдісін құрастыруды таңдады. Осыған байланысты жоғары оқу орындарында білім беруді дамытудың негізгі бағыттарының бірі – білім берудегі сапалы жаңа жүйенің негізінде қоғам талабына сай, бәсекеге қабілетті мамандар даярлау бүгінгі күннің өзекті мәселесі болып отыр. Республикамыз тәуелсіздік алғаннан кейінгі жылдары жоғарғы оқу орындарының, кәсіптік техникалық білім орындарының көптеп ашылуы заңды құбылыс. Дегенмен, сапалы білім беру сандық сапаға ауысып, көптеген кемшіліктер орын алды. Іс-шараны экономика ғылымдарының кандидаты Сыдықбаева Гүлзира Ұйқасқызы жүргізді. Сөз сөйлегендер: И.Жанашев, С.Байзақов, О.Абралиев, Т.Атақұлов, А.Қайырбаева және т.б.
Осы тұрғыдан Қазақ Ұлттық аграрлық университетінің ғылым мен білімді ұштастырып жүрген, озық тәжірбиелі профессор оқытушылары ауылдың бүгіні мен ертеңі алаңдатып отырған басқа сала мамандары мен студенттердің қатысуымен ауыл шаруашылығы мамандарын дайындаудың өзекті мәселелері туралы ой бөлісті.
|