Айдын Айымбетов әлемнің 545-ші космонавты. Үшінші қазақ ғарышкері «Союз ТМА-18М» ғарыш кемесінде 2-ші бортинженері ретінде 2 қыркүйекте «Байқоңыр» ғарыш айлағынан Астана уақытымен сағат 10.30 көкке көтерілді. Жерлесіміз ғарышта 9 тәулік, 20 сағат, 13 минут, 51 секунд болды. Экипаж құрамында Айдын Айымбетовпен бірге ресей ғарышкері Сергей Волков пен еуропалық Андреас Могенсен болды. Ғарыш кеңістігін игеруге сіңірген аса зор еңбегі, ғарышқа ұшу кезінде көрсеткен батырлығы мен ерлігі үшін Қазақстан Республикасының ғарышкері Айдын Айымбетовке Мемлекет басшысы Нұрсұлтан Назарбаев «Халық қаһарманы», «Қазақстанның ғарышкер-ұшқышы» жоғары дәрежелі атақтарын беріп, Алтын жұлдыз бен Отан ордендерімен марапаттады.
   Кездесуді жазушы, ҚР Ұлттық кітапханасының бас директоры Әлібек Асқар жүргізді.

   А.Айымбетовтың өмірі мен еңбегіне арналған газеттер көрмесі ұйымдастырылып, ғарышқа ұшуы туралы  видеоролик көрсетілді.  
  Сөз сөйлегендер: А.Айымбетов, Ж.Бөдеш, Б.Жақып, С.Оразалы, А.Қошанов, Қ.Түменбаев, Б.Сарбалаев, Ә.Смағұлұлы және т.б.
   Қатысушылар: қоғам қайраткерлері, зиялы қауым, кітапханашылар, БАҚ өкілдері.