Өнер бөлімінің оқу залында «Дизайн әлемі» атты кітап көрмесі ұйымдастырылды.

 

   «Дизайн» термині 1928 жылы АҚШ-та пайда болды. Дизайнның түп тамыры адамзат тарихынан бастау алады. Ғасырлар бойы адамның заттық-кеңістіктік ортасы қолмен жасалып келген, оны қоршаған барлық заттар қолөнер шеберлерінің маңдай терлерімен ұзақ еңбектерінің нәтижесі болды.
   Дизайн дегеніміз – адамға қажетті, бүкіл халықтың сұранысына ие жаңа заттарды жасап шығару. Дизайн қызметінің ерекшелігі - әсем әрі көркем жасалған тұтыну заттары мен бұйымдардың қоршаған ортаға лайық үйлесімін жүзеге асырып, ұдайы олардың жаңа үлгілерін ойлап табу. Дизайнның терминдік атауы жаңа болғанымен, оның негізгі ерте замандарда-ақ қалыптасқан. Дизайн өнері заттар мен нысандардың эстетикалық және тұтынушылық сапасын олардың тікелей қолданысына арналған тиімді құрылымымен, дайындалу технологиясымен байланыстыратын көптеген әдістерге жүгінеді. Қоғамдық-мәдени өмірде дизайнның қолданылмайтын орны сирек. Дизайн өнері орындалу тәсіліне және қолдану саласына байланысты көптеген түрлерге бөлінеді: өндірістік дизайн, қоршаған орта дизайны, графикалық дизайн, киім дизайны, интерьер дизайны, экстерьер дизайны, жиһаз дизайны, гүл дизайны, компьютерлік дизайн және т.б.
   Дизайн өнері заман талабына орай үнемі өзгеріп, дамып отырады. Қазақстанда дизайн өнері жүйелі түрде қалыптасып, дами бастады.

   Көшпелі мәдениет ұлтымыздың менталитетінің ажырамас бір бөлігі. Осыдан кейін дизайнерлердің көшпенділер менталитетіне деген қызығушылығы арта түсті. 
 Сондықтан дизайнның қоғамдық өмір мен өнеркәсіптің, өндіріс пен тұтынушының арақатынасындағы рөлі мен маңызы үлкен.

 
   Көрмеде ҚР Ұлттық кітапханасының қорынан дизайн тарихы, әлемдік және қазақстандық дизайнның дамуы туралы әдебиеттер мен мерзімді басылымдар ұсынылған.