2016 жылғы 11 ақпанда Көрмелер залында Ел тәуелсіздігінің 25 жылдығына орай ұйымдастырылған «Ер тілегі – Мәңгілік ел тілегі» атты республикалық ғылыми конференция және «Қазақтың қара майоры», «Король Панджшера» атты кітаптардың тұсаукесері өтті.
Ұйымдастырушылар: Қазақстан Республикасының Ұлттық кітапханасы мен Ауған соғысы ардагерлері ұйымдарының «ҚАЗАҚСТАН АРДАГЕРЛЕРІ» қауымдастығы және «САУАП» қоғамдық қоры, республикалық, патриоттық әдеби-танымдық «Ұлт болмысы» журналы.
Конференцияның басты мақсаты: Ел Тәуелсіздігінің 25 жылдық мерейтойы қарсаңында жас ұрпақ санасына жаңа қазақстандық патриотизмді насихаттаудың жолдарын қарастыру; «Мәңгілік ел» идеясы мен тәуелсіздік ұғымдарының біртұтастығын жаңғырту әрі насихаттау. Іс-шара аясында тәуелсіз еліміздің мүддесіне зор үлес қосып жүрген білікті де, білімді, еңбегі сіңген әр сала мамандарын Тәуелсіздіктің 25 жылдығына орай Б.Момышұлы атындағы төсбелгімен және медальдармен марапаттады. Сөз сөйлегендер: Ауған соғысы ардагерлер ұйымының «Қазақстан ардагерлері» қауымдастығының төрағасы Бақытбек Смағұл, Ауған соғысының қаһарманы, қолбасшы Борис Керімбаев, әскери ғылымдардың докторы, профессор Ким Серікбаев, Қазақстанның Еңбек Ері, Ы.Алтынсарин атындағы №159 гимназияның директоры Аягүл Миразова, тіл жанашыры Асылы Османова және т.б.
Іс-шараны Ауған соғысының ардагері, мәдениет қайраткері Орынбасар Тазабеков жүргізді. Қатысушылар: қоғам қайраткерлері, саясаттанушылар, жоғары оқу орындарының оқытушылары және студенттері, БАҚ өкілдері.
|