2016 жылғы 5 наурызда Көрмелер залында Ауған соғысы ардагерлері ұйымдарының «ҚАЗАҚСТАН АРДАГЕРЛЕРІ» қауымдастығы және «САУАП» қоғамдық қоры, республикалық, париоттық әдеби-танымдық «Ұлт болмысы» журналының бірлесіп ұйымдастыруымен, ел тәуелсіздігінің 25 жылдығына және Халықаралық әйелдер мерекесіне арналған «Іскер әйелдердің Қазақстан дамуына қосқан үлесі» атты дөңгелек үстел өтті.

 

   Конференцияны ұйымдастырудағы басты мақсат:
Қазақ қоғамындағы әртүрлі салада жемісті еңбек етіп келе жатқан әйелдердің тағылымды істерін жастарға үлгі ете отырып, олардың тәуелсіз еліміздің дамуына қосып келе жатқан үлесін насихаттау; Халықаралық әйелдер мерекесіне орай АНА атты есімге құрмет көрсету; Тәуелсіз еліміздің мүддесіне зор үлес қосып жүрген білікті де, білімді, еңбегі сіңген әр сала мамандарын Б.Момышұлы атындағы төсбелгімен және медальдармен марапаттау.

 Іс-шараны Республикалық «Ұлт болмысы» журналының бас редакторы Гүлжанар Амантайқызы жүргізді.
   Сөз сөйлегендер: Николай Кремениш, Әлия Еламанова, Сания Өскенбайқызы.