2016 жылғы 17 наурызда Қазақстан Республикасының Ұлттық кітапханасында Ғылыми-әдістемелік қызметтің бастамасымен және ұйымдастыруымен онлайн-конференция өтті.

 

   Онлайн-конференцияны Ғылыми-әдістемелік қызметінің жетекшісі Әзіретбергенова Эльмира Жарылқасынқызы жүргізді.

 
   Онлайн-конференцияға ҚР Ұлттық кітапханасы директорының кітапханалық жұмыстар жөніндегі орынбасары А.Х.Юсупова, Алматы облыстық әмбебап кітапханасының, Іле аудандық кітапханасының, В.Маяковский атындағы Қалалық орталық кітапханасының, Қарасай аудандық кітапханасының мамандары мен Ұлттық кітапхананың құрылымдық бөлімдерінің жетекшілері қатысып, кітапхана ісінің жекелеген өзекті мәселері бойынша пікір алмасты.

 
   Сонымен қатар, Сирек кездесетін кітаптар мен қолжазбалар қызметінің жетекшісі А.Қ.Бекпулатова бөлім қызметкерлері құрастырған каталогтар мен сілтемелер, қазақ кітаптарының тарихы мен кітаптану төңірегінде ғылыми зерттеулер туралы, қорды құрайтын 30 мыңға жуық сирек кітаптар мен қолжазбалардың түпнұсқасы және түпнұсқадан алынған көшірмелерді, сақтау, іріктеу, өңдеу және оқырмандарға қызмет көрсету секілді кешенді жұмыстары туралы кеңінен баяндап берді.

 
   Онлайн-конференция барысында кітапханашыларды толғандырған бірқатар мәселелер көтерілді.