Құрметті әріптестер!
Қазақстан Республикасының Ұлттық кітапханасы жанындағы Каталогизатор мектебі қысқа мерзімді курсқа тыңдаушылар қабылдайтынын хабарлайды (біліктілікті көтеру). Дәрістік және тәжірибелік сабақтардың курсы ҚР Мәдениет және спорт министрлігі жүйесіндегі кітапханалардың, жоғарғы оқу орындары кітапханаларының, мұражай, мұрағат, баспа және басқа да ұйымдардың машинамен оқитын каталогтаумен айналысатын мамандарына арналған. Негізгі мақсаты – тыңдаушыларды нақты құжат түрлері – кітаптарды, ноталарды, картографиялық, бейнелеу материалдарын, электрондық ресурстарды және т.б. каталогтаудың негізгі ережелерімен және жалпы қағидаларымен таныстыру. Тыңдаушылар библиографиялық және авторитеттік жазбаларды жасау ережелерін реттейтін негізгі халықаралық және ұлттық құжаттармен танысатын болады. Сабақтар жұмыс тәжірибесі бар каталогизатор мамандарға, сондай-ақ, жаңадан үйренуші мамандарға есептелген. Тәжірибелік сабақтар ҚР Ұлттық кітапханасында жасалған Web-РАБИС жаңа республикалық автоматтандырылған кітапханалық-ақпараттық жүйесінің «Каталогизатор» модулінде жүргізіледі. Оқуды ҚР Ұлттық кітапханасының Ақпараттық ресурстар қызметінің және Ұлттық библиография қызметінің жетекші мамандары жүргізеді. Каталогизатор мектебінде оқу тегін. Іссапар шығындары жіберуші тараптың есебінен жүзеге асырылады.
Байланыстар: +7 (727) 267-28-76; e-mail: org@nlrk.kz; nlrk@mail.ru; niskalieva@nlrk.kz; iskalievanuria@mail.ru
|