2016 жылғы 29 сәуірде Халықаралық ядролық сынақтарға қарсы іс-қимыл күніне орай Ұлттық кітапхана ұжымында ҚР Президенті Нұрсұлтан Назарбаевтың Вашингтонда өткен саммите жария еткен «Әлем. ХХІ ғасыр» манифесі таныстырылып, талқылау өтті.

   Талқылауды Ұлттық кітапхананың директоры Әлібек Асқар ашып, Вашингтонда өткен ядролық қауіпсіздік жөніндегі төртінші саммит шеңберінде Елбасы Нұрсұлтан Назарбаевтың ұсынған Манифесінің Қазақстанның бейбітшілік саясатының бір көрінісі, еліміздің ядролық қарудан ең алғаш бас тартқан елдердің бірі екендігін, қазақ елінің бейбітшілік пен тұрақтылықтың үлгісі болып отырғандығын  атап өтті.
   Талқылауға қатысқан көрнекті саясаткер, тарих ғылымдарының докторы Саттар Мажитов манифест туралы түсініктеме беріп, өз ойын ортаға салды.  Ол Манифестің «ХХІ  ғасыр. Соғыссыз әлем» атты кең ауқымды бағдарламасына, оны іске асыру үшін қажетті үш басты қағидаттарға, яғни, қазіргі кездегі бірде-бір соғыста жеңімпаз болмайтындығы және бола да алмайтындығы, онда бәрі де жеңілетіндігі; 2-ден, жаңа соғыста жаппай қырып-жоятын қару түрлерін қолданудан қашып құтылу мүмкін болмайтындығын; 3-ден, мемлекеттер арасындағы барлық талас-тартыстарды реттеу үшін бейбітшілік пен қауіпсіздікке тең жауапкершілік, өзара құрмет және ішкі іске араласпау қағидаттарына бейімделген бейбіт үнқатысулар мен сындарлы келіссөздер негіз болуы керектігіне кеңінен тоқталды. Әлемдік қоғамдастық іс-қимылының кешенді бағыттарын атап өтті.
   Құжатты талқылау барысында кітапхана қызметкерлері Әзіретбергенова Э.Ж., Шыңғысов Ж.Ж., Болатова К.А., Бахина К.А. өз пікірлерін білдірді.

   Бейбіт өмірге үндейтін бұл маңызды құжатты іске асыру үшін өзге елдер де ядролық қарудан толығымен бас тартып, әлем елдері ортақ мақсатқа жету жолында әлем қауіпсіздігі үшін бірігуі керектігі айқын.