2016 жылғы 4 мамырда Қазақстан Республикасының Ұлттық кітапханасында Н.В.Гоголь атындағы Қарағанды облыстық әмбебап ғылыми кітапханасының жанынан құрылған «Жыр жауһары» поэзия клубының мүшелері мен ҚР Ұлттық кітапханасы жанынан құрылған «Парасат» жастар клубының «Жаңа ғасыр жырлайды» атты онлайн кездесуі болып өтті.

   Кездесуге қарағандылық және алматылық бірқатар ақындар қатысып, өз қаламынан туған өлеңдерін оқыды. Кездесу қонағы – қазақ поэзиясына қара өлеңнің қарапайым да табиғи тазалығын ала келген талантты ақын – Мұратхан Шоқан болды. 
   Онлайн кездесудің мақсаты – «өлең» атты мұзарт шыңға қол созған, жауқазын жыр жазуға құлшынысы бар, талабы биік таланттарды қолдау, Алаштың атын аспандатқан қазақтың аймаңдай ақындарының өлең-жырларын дәріптеу, кеңге құлаш жайған қазақ поэзиясына жастарды баулу.