2016 жылғы 14 маусымда  Қазақстан Республикасының Ұлттық кітапханасында Н.В.Гоголь атындағы Қарағанды облыстық әмбебап ғылыми кітапханасы, Жезқазған, Балқаш, Осакаровка, Саран, Абай кітапханаларының мамандары мен Ұлттық кітапхананың құрылымдық бөлімдері жетекшілерінің қатысуымен кәсіби  онлайн-конференция өтті.                    

   Онлайн-конференцияны Ғылыми-әдістемелік қызметінің жетекшісі, тарих ғылымдарының кандидаты Э.Ж.Әзіретбергенова жүргізді.  ҚР Ұлттық кітапханасы директорының кітапханалық жұмыстар жөніндегі орынбасары А.Х.Юсупова кітапхана ісінің келелі мәселелеріне кеңінен тоқталып өтті. Ақпараттық ресурстар қызметінің, Кітап қорын толықтыру қызметінің  топ жетекшілері Н.Балсейітова, И.К.Тайбергенова мемлекеттік кітапхана қорларындағы тіркеу мен есептен шығару ережесі және қарағандылық әріптестердің кітапханалық жұмыстарға қатысты сұрақтарына жауап берді. Конференцияға қатысқан мамандар кітапхана ісінің жекелеген өзекті мәселері бойынша пікір алмасты және қызмет бағытына қатысты тәжірибелермен бөлісті.