2016 жылғы 4 қыркүйекте "Ғылым ордасы" алаңында Алматы қалалық әкімдігі, «Бауыржан» қоғамдық қоры, Еуразия ассоциация франчайзингі ұйымдастыруымен Алматы қаласының 1000 жылдығына орай «KitapFest-2016» кітап фестивалін ұйымдастырды. Шараға ғалымдар, баспагерлер мен ақындар-жазушылар қатысып, оқырмандармен кездесті.
   Бұл шарадан кітапханашылар да қалыс қалмады. Нарық заманындағы жастардың, жалпы қала тұрғындарының кітапқа деген қызығушылығы мен талғамын анықтамақ мақсатында, оқырмандардан сауалнама алып, түрлі сайыстар мен акциялар жүргізді. KitapFest фестивалінің ең қызық тұсы – әр оқырман өзіне қажет кітаптарын тегін алып, басқа да оқырмандармен алмасып оқуы. Фестиваль барысында 3000-ға жуық кітап тегін таратылды. «Қазақпарат», «Қазақ университеті», «Аспандау» т.б. сынды баспалар өз өнімдерін қалың оқырманға ұсынды. Шара мерекелік концертке ұласты.