2016 жылдың 7-қыркүйегінен Мәскеуде XXIX Халықаралық Кітап көрме-жәрмеңкесі басталды. Көрмеге 45 мемлекеттен 500-ге жуық баспа қатысып, жалпы екі жүз мың басылымды көпшілікке таныстырды. Қазақстаннан 14 баспа өз кітаптарын ұсынды («Алматыкітап», «Атамұра», «Жібек Жолы», «Ан-Арыс», «Қазақ энциклопедиясы», «Сардар» және т.б.).

   Көрмеге қатысқан қазақстандық делегацияны ҚР Мәдениет және спорт министрлігінің жауапты хатшысы Уәлиев Қуатжан Серікқазыұлы басқарып, РФ Баспа және бұқаралық байланыс агенттігінің басшысы Михаил Сеславинскимен кітап саласы жөнінде келіссөздер жүргізді. Сонымен қатар, ҚР Ұлттық кітапханасының директоры Сейдуманов Жанат Тұрарұлы, ҚР Ұлттық Кітап Палатасының директоры Асқаров Әлібек Асылбайұлы да бұл шарадан қалыс қалмады. Көрме 11-қыркүйекке дейін жалғасады.