2016 жылғы 16 қыркүйек, сағат 15.00-де Көрмелер залында Мемлекеттiк сыйлықтың лауреаты, ақын Марфуға Айтхожинаның 80 жылдығына орай оқырмандармен кездесу кеші өтті.
Кездесуді ақын, филология ғылымдарының докторы, профессор Бауыржан Жақып жүргізіп, ақынның шығармашылығы жайында баяндама оқыды. Ғалым Жайлыбай, Ахметжан Ашири, Ғазизбек Тәшімбай, Құл-Керім Елемес сынды әдебиет майталмандары қатысып, сөз сөйледі. Кездесуде Абай атындағы ҚазҰПУ, Филология институтының 1 курс студенті, оқырман – Кенжебек Айдана, Абай атындағы ҚазҰПУ, Филология институтының 1 курс студенті, оқырман – Қараева Нұрсауле, Қаскелен Гуманитарлы-Техникалық колледжінің 2 курс студенттері –Төренияз Жазира , Нығметжанова Гүлнұр, Сыдықова Аружан ақынның жырларымен қоса арнау өлеңдерді де оқып берді. №2 Глиэр атындағы балалар музыка мектебінің «Арнау» этнографиялық-фольклорлық ансамблінің жетекшісі – Нұргүл Әкімғожина да ақынды құттықтап, шәкірті күй тартып, кештің көркін қыздыра түсті. Кеш соңында автор «Жапырақ сілкінген кеш» кітабын келген оқырмандарға қолтаңбасымен бірге ұсынды. Кездесу аясында «Жыр аққуы» тақырыбында кітапхана қорынынан көрме де ұйымдастырылды.
|