2016 жылдың 17 қыркүйегінде Алматыдағы «Мега» ойын-сауық орталығының алаңында қала күніне орай «Алматы – оқырман қала» атты акциясы өтті.

   Мерекелік шараны Алматы қаласы Мәдениет басқармасы мен «Орталықтандырылған кітапхана жүйесі» ұйымдастырды. «Таң қаламын келбетіңе Ару қалам, Алматы!» атты жас суретшілердің сайысы, «Алматы – ән–жыр-тарих», «Орталықтандырылған кітапхана жүйесі», «Тәуелсіздік шежіресі», «Сүйікті кітаптарым» атты кітап көрмелері қойылып, жасөспірімдер мен балаларға арналған «Ақ желкен», «Үркер», «Балдырған», «Ұлан», «Мөлдір бұлақ» атты басылымдардың көрмесі ұйымдастырылды.

   Сонымен қатар көрмеге бірқатар кітапханалар да қатысты. Шара соңында қатысушыларға кітаптар тегін таратылды.