2016 жылғы 22 қыркүйекте Көрмелер залында «Менің Елім – Қазақстан» фотобайқауының жеңімпаздарын марапаттау рәсімі  өтті.

   Фотобайқаудың тақырыбы еліміздің табиғаты, тарихи ескерткіштері, мәдени жерлері, Қазақстан халықының салт-дәстүрлеріне арналған.
   Марапаттау рәсімінің алдында Қазақстан «ФОТОӨНЕР» қоғамдық бірлестігінің Қазақстан фотожурналистикасына сіңірген еңбегі үшін берілетін «Фотоөнер қайраткері» медалі марқұм Нұрғожа Жұбанов, Қайрат Мұстафин, Сиез Бәсібеков, Сайлау Пернебаев, Рахымбай Ханалы отбасыларына және де биыл 75 жастағы ардагер Нұрманбет Қизатұлына табысталды.
   Жалпы фотобайқауға 71 қатысушыдан 560 жұмыс келіп түскен. Байқауға Қазақстан Республикасының жас ерекшеліктеріне қарамай барлық азаматтары қатысты. Сапасына әрі тақырыбына сай келетін суреттерді арнайы құрылған әділ қазылар алқасы анықтап марапаттады. Бірінші орынды Мерей Қайнарұлының «Достық шоқысы» туындысы, екінші орынды Алмаз Орманов «Теңге ілу», үшінші орынды Тілеубек Рақымжанның «Таудан аққан тас бұлақ» шығармасы иеленді.
   Жобаның ұйымдастырушысы: Фотоөнер Қоғамдық Бірлестігі, бас қолдаушы «Bank RBK» АҚ, «Қазақстан» ҰТРК ақпараттық серіктесі.