2016 жылғы 28 қыркүйекте, Н. Дәулетова атындағы залда «Мәдениеттерді жақындастырудың онжылдығы, 2013-2022: әлеуметтік және мәдениетаралық диалог» тақырыбында халықаралық конференция өтті.
Конференцияны ҚР Мәдениет және спорт министрлігінің жауапты хатшысы Уәлиев Қуатжан ресми түрде ашып, сөз сөйледі. Сонымен қатар, Париждегі ЮНЕСКО-ның штаб-пәтері Әлеуметтік және гуманитарлық ғылымдар Секторының «Әлеуметтік трансформациялар және мәдениетаралық диалог Дивизионының директоры Д.Бадарч; «Мәдениеттерді жақындастыру орталығы» мемлекеттік музейі» директоры, ҚР ҰҒА академигі, профессор К. Байпақов; Алматы қаласы Кластерлік Бюросының директорының м.а. және ЮНЕСКО-ның Қазақстан, Тәжікстан, Қырғызстандағы өкілі А. Шевелев, қоғам қайраткері, ф.ғ.к., мәдениеттанушы М.Әуезов, «Қазақстан ғалымдары одағы» республикалық қоғамдық бірлестігінің президенті, э.ғ.д., профессор О.Сәбден, профессор И.Ерофеева, жазушы Бедюров Бронтой қатысып, сөз сөйледі. Алқасөзде Орталық Азия, Сібірдегі мәдениетаралық жақындастық және Қазақстандағы мәдениеттердің жақындасу тарихы мен тәжірибесі жайы көтерілді. Конференцияның екінші бөлімінде ЮНЕСКО-ның қолдауымен Халықаралық ЖОО ассоциациясын құру мәселелері талқыланды. Конференция қазақ, орыс және ағылшын тілдерінде өтті.
|