2016 жылғы 7 қазанда ҚР Ұлттық кітапханасында Әуезхан Қодардың зияткерлік клубы аясында «Тамыр» мәдениеттану журналының 44-ші нөмірінің таныстырылымы өтті.
Журналдың 44-ші нөмірі толығымен қазақстандық ақын, жазушы, мәдениеттанушы, философ, аудармашы – Әуезхан Қодардың шығармашылығына арналған. Клуб қатысушылары ақынның көп қырлы, сан-салалы қызметі туралы пікір алмасып, талқылады. Сондай-ақ, іс-шара аясында Украинадан келген қонақтар – Сергей және Татьяна Дзюбалардың шығармашылығы таныстырылды. Іс-шараны ҚР Ұлттық кітапханасының директоры Ж.Т.Сейдуманов ашып, философия ғылымдарының докторы, Әлеуметтік және гендерлік ғылыми-зерттеулер институтының директоры Қодар Зәмзә Мүтәшқызы жүргізді. В.М.Жылқыбаев, С.В.Дзюба, Ж.А.Алтаев, О.Қ.Әбішева, Л.В.Сафронова, Т.А.Алтынбеков, С.В.Ананьева, А.Берік, А.Темірболат сынды зиялы қауым өкілдері сөз сөйлеп, жазушының шығармашылығы мен қазақ қоғамына сіңген еңбегі жайында баяндап берді. Кездесу аясында ҚР Ұлттық кітапханасының қорынан жазушының өмірі мен шығармашылығына арналған көрме ұйымдастырылды. Іс-шара аясында «Современники» фильмі көрсетілді.
Қатысушылар: жазушылар, журналистер, филологтар, философтар, шығыстанушылар, аудармашылар, университет оқытушылары мен студенттері.
|