Ел тәуелсіздігінің 25 жылдығы аясында ҚР Ұлттық кітапханасы Отырар мемлекеттік археологиялық қорық-мұражайымен бірге «Шежірелі отырар» жылжымалы көрмесін ұйымдастырды. Көрме 2016 жылғы қазан айынан 2017 жылғы мамыр айының соңына дейін жұмыс жасайды.
   Экспозиция екі бөлімнен тұрады. Бірінші бөлім V–XVIII ғғ. тән археологиялық  тұрмыстық заттар жиынтығы. Мұнда: шамдар, құмыралар, қаптама материалдар және т.б. Екінші бөлігі ХІХ – ХХ ғғ, Отырар аймағының  этнографиясы (мұражай қорындағы этнографиялық асханалық бұйымдар жиынтығы: самаурын, ыдыс-аяқ және т.б.). Бұдан бөлек ислам бойынша 18 дана кітаптар мен қолжазбалар  қойылған.
   Барлық жәдігерлер археологиялық қазба жұмыстары кезінде ЮНЕСКО-ның нұсқасы бойынша, атап айтқанда Орталық Азиядағы археология ескерткіштерінің ең танымал Оңтүстік Қазақстан облысында, Отырарда табылған. Отырардың бай тарихы I-ХVIII ғасырларда елдің  күнделікті  өмірінде қолданыста болған.

   Көрменің мақсаты - өткен тарихымыздың заттай дәйектемелері, өткен ата-бабаларымыздың алақанының жылуы сіңген қасиетті жәдігерлерімізді бүгінгі ұрпаққа таныстырып көрсету.