2016 жылғы 4 қарашада ҚР Ұлттық кітапханасының қорынан Қазақстан Жазушылар одағында қарымды қаламгер, белгілі ақын, жазушы Әділбек Ыбырайымұлының «Құс жолындағы жыр» атты шығармашылық кешіне орай көшпелі көрме ұйымдастырылды.
Әділбек Ыбырайымұлы Қазақстан Жазушылар одағының мүшесі, Халықаралық әдеби «Алаш», Қазақстан Жастар одағы сыйлықтарының лауреаты және «Қазақстан Республикасының Тәуелсіздігіне 20 жыл» медалімен марапатталған. «Адам-айуан», «Ұяластар», «Зауқайыр» және т.б. романдардың авторы. Ақынның поэзияға деген сүйіспеншілігі, өлеңге деген адалдығы, жүрек тазалығы әр жырынан айқын аңғарылады. «Пір мен пырақ», «Сүмбіле шуағы», «Ақ тамақ қарлығаштар» өлеңдері «Жұлдыз», «Сарыарқа», «Простор» журналдарында, «Алматы ақшамы», «Егемен Қазақстан» газеттерінде және т.б. жарық көрді. ҚР Ұлттық кітапханасының қорынан ұйымдастырылған кітап көрмесі Әділбек Ыбырайымұлының өмірі мен шығармашылығына арналды. Көрме ақын-жазушылардың, ғалымдардың, студенттер және БАҚ өкілдерінің қызығушылығын туғызды.
|