2016 жылғы 14 қараша, сағ.11-00-де Достық үйінде Қазақстан халқы Ассамблеясы хатшылығы мен «Қоғамдық келісім» ҚММ ұйымдастырған Алматы қаласының 1000 жылдығы мен Қазақстан Республикасы тәуелсіздігінің 25 жылдығына арналған «Алматы ─ ғасырлар куәсі» атты ғылыми конференцияға ҚР Ұлттық кітапханасы «Алматы қаласы ─ тарих шежіресі» атты көшпелі кітап көрмесін ұйымдастырды.

   Қаланың шежіресі жарқын оқиғаларға толы, ол Отанымыздың, қазақ халқының тарихымен, республикамыздың қалыптасып, дамуымен тығыз байланысты. Бүгінде Алматы талай тарихи шежіренің куәсі, ерекше гүлденген әсем қала.

   Көшпелі кітап көрмесінде ҚР Ұлттық кітапханасының қорынан Алматы қаласының көне заманнан бастап қазіргі кезеңге дейін тарихын жариялайтын кітаптар ұсынылды.