2016 жылғы 7 желтоқсанда Н.Қ.Дәулетова атындағы залда Қазақстан Республикасы Тәуелсіздігінің 25 жылдығы аясында Қазақстанның кітапханашы мамандары маңызды бастамалар мен жетістіктерді талқылау мақсатында бас қосты.

   Бағдарлама бойынша:
- Салтанатты отырыстың ашылуы, «Тәуелсіздік жылдарындағы Ұлттық кітапхананың дамуы және трансформациялануы» тақырыбындағы баяндама. Баяндамашы: ҚР Ұлттық кітапханасының директоры Ж.Сейдуманов.
- Құжаттарды индекстеуде Кітапханалық-библиографиялық жіктеуден (КБЖ) Әмбебап ондық жіктеуге (ӘОЖ) көшу мәселесі бойынша облыстық әмбебап ғылыми кітапхана, жасөспірімдер мен балалар кітапханаларының басшылары қатысқан дөңгелек үстел. Баяндамашы: Ақпараттық ресурстар қызметінің жетекшісі Н.А. Искалиева.
   Дөңгелек үстел қатысушылары Құжаттарды индекстеуде Кітапханалық-библиографиялық жіктеуден (КБЖ) Әмбебап ондық жіктеуге (ӘОЖ) көшу мәселесі бойынша Қарар қабылдады.
- Жаңадан тіркелген «Кітап және Кітапхана. Книга и Библиотека. Book & Library» кәсіби-аналитикалық журналы макетінің таныстырылымы. Баяндамашы: Ғылыми-әдістемелік қызмет маманы Э.С. Бөкенбаева.

   Ақпараттық блок:
- «Қазақстан Республикасының кейбір заңнамалық актілеріне мәдениет мәселелері бойынша өзгерістер мен толықтырулар енгізу туралы», «Мәдениет туралы» және «Бұқаралық ақпарат құралдары туралы», Заңдарға өзгерістер енгізу бойынша Мәжілістің көшпелі отырысының жұмыс тобына ҚР Ұлттық кітапханасының ұсыныстары, Қазақстандық Кітапханалық Одақ жұмысы туралы ақпарат. Баяндамашы: директордың орынбасары А.Х.  Юсупова.
- Л.Н.Толстой атындағы Қостанай облыстық әмбебап ғылыми кітапханасының директоры Д.Т. Дүйсебаева, М.Жұмабаев атындағы Ақмола облыстық әмбебап ғылыми кітапханасының директоры Ж.Қ. Мұқатаева, Гоголь атындағы Қарағанды облыстық әмбебап ғылыми кітапханасының директоры Д.Б.Аманжолова, Ж.Молдағалиев атындағы Батыс Қазақстан облыстық әмбебап ғылыми кітапханасының директоры Р.Ж.Исатаеваға «Кітап мәдениетіне қосқан зор үлесі үшін» төсбелгілермен, сонымен қатар, республика кітапханашыларының еліміздің кітапхана ісі саласын дамытуға қосқан елеулі үлесі мен ұзақ жылғы адал қызметі үшін «Кітапхана ісінің ардагері» және «Кітапхана ісінің үздігі» төсбелгілерімен  марапатталды. 

   Дөңгелек үстел аясында ҚР Ұлттық кітапханасының қорынан «Тәуелсіздік жылдарындағы Ұлттық кітапхананың дамуы және трансформациялануы» тақырыбында кітап көрмесі ұйымдастырылды.

   Мерекелік концерт: халықаралық ән байқауларының жүлдегерлері, мәдениет қайраткерлері, Құрманғазы атындағы ұлттық консерваторияның студенттері өнер көрсетті.