2016 жылғы 25 қарашада Ермек Тұрсыновтың киноклубында Қазақстан Республикасы Тәуелсіздігінің 25 жылдығына және ҚР Тұңғыш Президенті күніне орай «Техникалық колледждер Тәуелсіздікті жырлайды!» атты Алматы қаласындағы кәсіптік-техникалық колледждердің талантты студенттерінің қатысуымен ән-жыр кеші өтті.
Іс-шараны ҚР Ұлттық кітапханасы директорының орынбасары Оспанова Бақытжамал Қайырбекқызы ашты.
Іс-шараның мақсаты: -еліміздің Тәуелсіздігін жырлау; -жастардың патриоттық сезімдерін дамыту; -кәсіптік-техникалық колледждердегі талантты жастарды ынталандыру; -колледждердің жас мамамандарды тәрбиелеудегі орнын көрсету.
Іс-шара барысында: Кәсіптік-техникалық колледждер директорлары, студенттер жарысқа қатысты. Домбырамен патриоттық әндер тақырыбында, Қазақстан Республикасының тәуелсіздігіне және Президент туралы өз ойынан шыққан өлеңдер оқылды. «Әдебиет әлемі» орталығы конкурс жеңімпаздары мен белсенді қатысушыларын алғыс хатпен марапаттады.
Іс-шараға қатысушылар: қоғам қайраткерлері, кәсіптік-техникалық колледждердің мұғалімдері мен студенттері.
|