2016 жылғы 14 желтоқсанда ҚР Ұлттық кітапханасының Кітапханатану залында Қазақстанның Халық жазушысы Ә.Нұршайықов атындағы шәкіртақыны тағайындау үшін студент жастар мен жоғарғы сынып оқушылары арасында жыл сайын өтетін «Әлем және адам» шығармашылық байқауының қорытындысы шығарылды.

   Іс-шара барысында жыл сайын өтетін «Әлем және адам» студент жастар мен жоғарғы сынып оқушылары арасындағы шығармашылық байқаудың қорытындысы мен байқау жеңімпаздары оқушыларды, жоғарғы оқу орындарының студенттері мен магистранттарын Қазақстанның Халық жазушысы Ә.Нұршайықов атындағы шәкіртақымен салтанатты түрде марапаттау өтті.
   ҚР Ұлттық кітапханасының директоры Ж.Т.Сейдуманов, әл-Фараби атындағы Қазақ Ұлттық Университетінің профессоры, филология ғылымдарының докторы, жазушының қызы Ж.Ә.Нұршайықова сөз сөйледі.
   Іс-шараға Әл-Фараби атындағы Қазақ ұлттық университеті ЖОО дейінгі білім беру факультеті шетелдіктердің тілдік және жалпы білім беру дайындығы кафедрасының ұстаздары, магистранттар, жоғарғы оқу орындарының студенттері қатысты.

   Іс-шара барысында жазушының шығармаларынан кітап көрмесі, шағын поэзиялық кеш ұйымдастырылып, салтанатты түрде байқау жеңімпаздары марапатталды және барлық қатысушыларға Ә.Нұршайықовтың мемориалдық кабинетіне экскурсия жүргізілді.