2017 жылғы 13 қаңтарда Қазақстан Республикасының Ұлттық кітапханасына ҚР Парламенті мәжілісінің депутаты Н.Г.Микаелян және Алматы қаласының Қазақстан халқы Ассамблеясының басқарма хатшысы М.А.Абдалиева мен К.В Мамсуров жұмыс сапармен келді.
Сапар барысында қонақтар Алматы қаласы Қазақстан халқы Ассамблеясының Депозитарийі қызметімен танысты. Сондай-ақ, белгілі қазақстандық жазушылар Г.Бельгер мен Ә.Нұршайықовтың мемориалдық кабинеттерінде, Қытай мәдениеті және әдебиеті, Сирек кездесетін кітаптар мен қолжазбалар залдарында болды. Кітап қорын толық ауқымды цифрлау үшін жаңа техникамен жабдықталған құжаттарды цифрлау орталығымен, Әлем әдебиеті қызметінде орналасқан Ресей, Түрік, Иран, Пәкістан және Үнді кітап бұрыштарымен танысты. Кездесу барысында Қазақстанда кітапхана ісін дамыту жөніндегі шешімін таппаған мәселелер талқыланды және 2017 жылы Алматы қаласы Қазақстан халқы Ассамблеясымен бірігіп ұйымдастыратын жұмыс жоспары ұсынылды.
|