2017 жылғы 22 қаңтарда Н.Дәулетова атындағы залда Әуезхан Қодардың «Интеллектуалды клубы» аясында Қодар оқулары поэзиялық кеші өтті.
Кеш барысында Алматының жас ақындары Ә.Қодардың өлеңдерін әрі өздерінің өткір тақырыпта жазылған немесе сезімге толы сырлы поэзияларын оқып, ой бөлісті. Бұл рухани кеш қатысушыларға әсерлі көңіл-күйін сыйлады. Ақындар сөз сөйлегенннен кейін ашық микрофон өткізіліп қатысушылар Әуезхан Қодардың шығармашылығы мен өмірі туралы өздерінің ойларын білдірді. Әуезхан Қодар - жаңа толқынның ақыны, екі тілді жазушы, драматург, ғалым, мәдениеттанушы және философ, әдебиеттанушы, ұлттық классика аудармашысы, «Тамыр» мәдени-философиялық журналының негізін қалап, оның редакторы болған. Оның сан қырлы жұмысы мәңгі қазақ ой қазынасына қалады. Қатысушылар: Әуезхан Қодардың жақындары мен жанұясы, Алматы қаласының жас ақындары.
|