2017 жылғы 31 қаңтарда Мұхтар Әуезовтің әңгімесі бойынша түсірілген «Көксерек» фильмінің ретрокөрсетілімі өтті.

   1973 жылы шыққан «Көксерек» фильмі «Қазақфильм» студиясының туындысы. Режиссері Толымыш Өкеев, басты рөлдерде Қамбар Уәлиев, Сүлейменқұл Чокмаров, Алиман Жангорозова, Қарғынбай Сатаев, Нұржыман Ықтымбаев және т.б. ойнады.
   Фильм 1974 жылы Бакуде өткен Бүкілодақтық кинофестивальда ең жақсы ер адам рөлі сыйлығымен (С. Чокморов)  және бала рөлі үшін ынталандыру дипломымен, Локарнода өткен 27 кинофестивальда құрмет дипломымен марапатталды.
   «Көксерек» көркем фильмі жаңа түсті форматта көрсетілді. Фильмнің шыққанына 40 жыл өткеніне қарамастан, балалар мен ересек адамдардың қызығушылығын арттырып, түрлі сезімдер тудыра білді.

   Көрсетілім аяқталғаннан кейін атақты режиссер, сценарист, жазушы Ермек Тұрсынов фильмнің қалай түсірілгендігі жайлы айтып, көрермендердің сұрақтарына жауап берді.
   «Көксерек» фильмінің ретрокөрсетілімі Ермек Тұрсынов және оның продюссері Қанат Сығайдың бастамасы бойынша өтті.