2017 жылғы 7 ақпанда Қазақстан Республикасының Ұлттық кітапханасында А.С. Пушкин атындағы Шығыс Қазақстан облыстық әмбебап кітапханасы мен ҚР Ұлттық кітапханасының мамандары қатысқан онлайн кездесу өтті.

   Онлайн кездесу отандық автоматтандырылған ақпараттық WEB-RABIS жүйесіне байланысты түсіндіру жұмыстарына арналды. Онлайн кездесуге  қатысқан ҚР Ұлттық кітапханасы директорының кітапханалық жұмыстар жөніндегі орынбасары А.Х.Юсупова, автоматтандыру бөлімінің маманы Еркін Сапарғалиев, Ғылыми-әдістемелік қызметінің, Ақпараттық ресурстар қызметінің жетекшілері мен топ жетекшілері WEB-RABIS-тің мүмкіндіктері кең, оқырмандарға жер шарының кез-келген нүктесінен оларды аудио-бейне-Интернет қосымшаларымен жұмыс істеуге мүмкіндік беретіні, кітапхана ісін автоматтындырып қана қоймай, ақпаратты жедел іздестіру мен оқырманның уақытын тиімді жұмсауға септігін тигізетіндігі туралы айтты.

   "Ғаламтордағы қосымшалардың басым бөлігі заманауи үлгіде жасалады. Мұндай жүйе Орта Азияда жоқ. Тіпті Ресейде оқырмандарға ыңғайлы, тиімді жүйе жасақталмаған. Кітапхана ісіне қажетті барлық қосымшалар мен жаңашылдықты қолдандық. Бұл кітапхана ісін жеңілдетеді",- деді ҚР Ұлттық кітапханасы автоматтандыру бөлімінің маманы Еркін Сапарғалиев.