2017 жылғы 11 ақпанда Н.Дәулетова атындағы залда Қанат Тасыбековтың «Мәміле» клубының алғашқы отырысы өтті.

   Қанат Тасыбековтың «Мәміле» клубы мемлекеттік тілді, қазақ халқының тарихи және мәдени мұрасын зерделеу, сондай-ақ қоғамдық деңгейде қоғам мүшелері арасындағы өзара түсіністікке жету үшін әңгіме құру арқылы Қазақстандағы азаматтық қоғамның  нығаюына жәрдемдесу мақсатында құрылған. Сарапшыларды (қазақтілді тарихышаларды, ақын-жазушыларды, мәдениеттанушылар мен этнографтарды) шақыра отырып, қоғамды толғандырып жүрген түрлі мәселелерге ымыралар мен мәмілелер іздеу үшін,  ұлттық салт-дәстүрлерді және діл ерекшеліктерін терең тану арқылы еркін пікір алмасу түрінде әңгіме, пікірталас алаңын жасау көзделді.

   Отырыстың алғашқы күнінде клубтың әр мүшесі өздерін таныстырып, клубқа келу себептерімен бөлісті және алда қарастырылатын тақырыптарын талқылап, ұсыныстарын ортаға салды.